दाफोजा Poem by Ronjoy Brahma

गोजौआव सैनानै दोनदोँ हाथर्खि फाग्ला।
सानजानि साना गोर गोर खारबोयो,
आरो सोनाब फारसे हाखु-दाखु हाबहैयो।
गोजौ गाहाय हाखर गोबां गंसे मुलुग।
सासे मानसिया बेयाव उन्दुलाङो,
गोदो गोदो बेसेबा गोदो गोदो।
बयबो नारख्रांलायो गावजोँगावनो सिबायफ्रा,
सोर जानो हागौ बेखौनो नायनो।
आरो ''आं सिनायनो हाया बेखौ'' होन्नानै थांफिनो।
ओजोँ मानसिया रावबो खोनायै सिरि सिरि दुगायै बुंदोँ-
''आंखौ दाफोजा दाफोजालै आंखौ।
मानोना नोँसोर आंखौ रावबो सिनाया'' होन्नानै।