गांखं मोनब्रै Poem by Ronjoy Brahma

1
गोथौनिफ्राय गोथौसिन थालायाव
सानस्रिनि, दे गेलेनि
मोजां मोन्नायखौ बेबादिनो फोरमायनि
नोँनि गोरबो आंनि गोरबो
2
हाथर्खिनि जोँब्लावनाय अख्रांआव
स्नि हाथर्खि जानानै
नोँनि आंनि थायब्रै मेगननि गेजेराव
बिलाइना होनि सोरां बुहुमाव
3
बयनिबो गोजौ हिमालय थिखिनियाव
गंसे फिरफिला बिरहोनि
नोँनि दाहा, आंनि दाहा
हिरा जालांगोन दिन्दां जिउआ
4
गांखं फुवारना बिरबायनो
गुफुर दाउथुनि महराव
हरै फैसालि, ओरै फैसालि जेरैबो
नोँनि आंनि मोनसे गोरबोजोँ