सिख्रि सिख्ला: जागायजेन्नाय Poem by Ronjoy Brahma

1. जागायजेन्नाय
सोमखोर मोनसे अरननि खोलाहा सालगुरि गामि दं।
बे गामिनिनो मदद जांगिला बांबुला जोहोलावआ।
बोथोरजोँ गोरोबनानै बियो आबाद खालामो।
गोसो जाब्ला बोर्ला जिलिद लानानै अरनाव सिखार खालामो।
बिनि गोसोथोनाय सिख्लाया गामिनि गयस्रि।
लावख्रि अरननि सिख्रि सिख्लाया बांबुला जोहोलावखौ बेसेबा गोसोथोयो।
सानसेखालि अरनाव सिखार खालामनो थांब्ला नुजेनदोँमोन बियो।
बिनिफ्रायनो बांबुला जोहोलावखौ मोन्नो हास्थायो मेगनजोँ नागिरबायो।
बेसेबा गोबावनि उनावसो बियो सालगुरि गामिसिम सफैबाय।
सानसेखालि बांबुला जोहोलावआ अनलाजोँ दाउ बेदरजोँ जानानै
हर गेजेराव जोबोद खिनो ओँखारनायसै।
दरजा खेँनाय लोगो लोगो बियो समायना मोनसे लामा मोन्नायसै।
होनबानो बांबुला जोहोलावनि खिनो ओँखारनायाबो गैया जानायसै।
सिख्रि सिख्लाया लेंलांनायसै बिखौ समायना गावनि देरायाव।
बेसेबा समायना सनानि देरा सेरसेर बिबारबारि।
बिबार बारियाव बिरथिँबायदोँ सनानि सिखिरि गां फुवार फुवार।
गय जाहोदोँ बांबुला जोहोलावखौ ज्रोम फाथैजोँ।
बे समावनो बांबुला बिफा सांग्रां
आरो बिमा सिरिद सानैजोँ फाथो सेरेनानि बनजार लानानै नागिरनायसै फिसाज्लाखौ।
मानसिनि राव खोनानानै होनबासो सिख्रि सिख्लाया स्रोब गोमोरनायसै।
गय बारियावनो बांबुला जोहोलावआ होनबा खोमसियाव आन्दायनायसै।
बिमा आरो बिफाया बांबुलाखौ मोनफैनायसै।