गोदान मोखां Poem by Ronjoy Brahma

गोदोनि मोखांजोँ आं दिनै मिनिलिया।
मिनिलिया आं दिनैसो गोदानै बेखेवनाय बेमाजेनि मोखांआव।
लाइमोननि खारलुं गोसोजोँ सिमां नुयैनुयै सान्थ्रहायै बिथि सोलायबाय आं।
नबथि फसंबाय खेबसे हिमालयनि थिखिनियाव,
खेबसे प्रशान्त लैथोमायाव।
क्षेत्र क्षेत्र गोबां क्षेत्र गिदिँबाय आं,
बुरलुंबुथुरनि फाराव जिरायनानै अनजालिजोँ सावरायलायबाय।
बोर्सि आरो बोख्रब फाग्लादियानि गोबां दाराजोँ खारै खारै हाजारबार खारफाबाय।
दिनै आं आरोबाव अख्रांखौ आवग्रि आवग्रि सोर्गोखौ आवग्रिनो लुबैबावो।
बेखायनो गोदोनि मोखांजोँ आं मिनिलिया,
गोदोनि गोसोखौ गोबा गोबा मेराय मेराय लानानै मेंलिया।
गोदान मोकथांखौ नागिरो आं दिनै गोदान फैसालियाव।
अख्रांखौ आवग्रि आवग्रि,
सोर्गोखौ आवग्रि आवग्रि गोदान नबथि फसंनो सानथारो।
गोदान मोखां साननि मोखां,
जेराव थाखोमानो हाया फराय जायै दाखोन सोरनिबा मोखांआव।