सिख्रि सिख्ला: सैथानजोँ बिसिगि खानाय Poem by Ronjoy Brahma

3. सैथानजोँ बिसिगि खानाय
दाउज्ला खेबसे गेसेरनाय लोगो लोगो हादान माहाजोननि हाम्फे आरो दुम्फे रुवाथिया सिखारबाय।
गायहेन लानानै बिसोर उवालाव माय सौनो हमबाय।
गल' मुंनि दाहोनाया गलिनिफ्राय जुंगालाव मोसौ जुरिनानै दुब्लि फारसे होलांबाय।
होनबा खोनाबाय बियो फांनै सिमलि बिफांआव सोरबा गोसो होना माय सौनाय सोदोब।
दुम दाम आरो दुम दाम सोदोबाव गोमो हाब्बाय गल'आ।
लासै लासै सिमलि बिफां सेराव सोर सिख्ला माय सौदों गिबांसिन बियो नायनो थांबाय खाथियाव।
होनबा खर' मोन्नै गोनां सैथाना बिखौ बुंनायसै।
''नै सेंग्रा सोर जाखो नोँलाइ?
नोँ हार्सिँ नंगौना नङा?
माबार बुंदो आंनो।''
सैथाना मानसिखौ हार्सिँबासो बुलायनो जुजियो।
बेखायनो बिबौनिफ्राय बाथ्राखौ मिथिखानानै लाखादोँ बियो।
''आं हार्सिँ नङालै नोँथां मिथिबायना?
आंजोँ लोगोआव गंसे लावथि दं माथाम मोसौ दं।''
गावनि आखायाव लानाय लावथिखौ आफाखंआव एथेबनानै बुंबावासै गल'आ।
''नै नोँथां नायनायसाय आंनि मोदोमाव आं माबादि सुनानै लादोँ।
नोँखौबो आं बेबादि सुफ्लुंना होनो नामा? ''
होनबासो सैथाना थोर थोर गिनायसै गल'खौ।
बे दिननिफ्रायनो सैथाना गल'जोँ बिसिगि खानायसै।
आरो सासे मदद जांगिला सेंग्रानि महर लानानै हादान माहाजोननि दाहोना जाफैनायसै।