नै दाउखा- दारोजाबसै दुखुनि मेथाइ
गोदान आलायारननि सोरांआव,
बिफांनि दालाइयाव बानानै
दा रोजाबसै गागा होन्नानै।
जेबो गैया हावरिया आङो
नोँनो बेदर दरसे हरनो,
नै दाउखा थांदो बहाबा
नागिरना आदार उदै सुफुंदो।
दिनै गोदान फुंनि सोरांआव सान्दुं सायदोँ आं
साननि सोरां रोदाजोँ-
मुलुगखौ खेबसे दावबायनो सानदोँ।
उनजोँ दागाबज्रिसै आंनि दावबायनायाव।
नै दाउखा- दारोजाबसै दुखुनि मेथाइ
खबाम गोनां आंनि दावबायनायाव,
नै दाउखा थांदो बहाबा
नागिरना आदार उदै सुफुंदो।
This poem has not been translated into any other language yet.
I would like to translate this poem