थरथिँसे निहिर Poem by Ronjoy Brahma

''नोँ एखुथा दाजा- आंहा गोसो बोरगोन।''
दोँसे मेथाइ बियो आं गिदिँ गिदिँ,
गोजाव गोजाव फैनाय बै मोनसे बिदिन्था एबा दारानि।
आं एखुथा आरो मिथिगौ आंनि अनजालिया एखुथा।
अनजालिया दाजाबनो नागिरोब्ला आं खारखोमायो,
आं दाजाबनो नागिरोब्ला आरो अनजालिया खारखोमायो।
दाजाब आरो दानख' गंसे अख्रां अनजालि आरो आंनि गेजेराव।
गोसो जायोब्ला आं बिरदावो,
गोसो जाब्ला अनजालिया बिरबायो गाबो।
बेखायनो मोजां मोनबाय आं लाथिख'खौनो।
जायखौ आं दानख'नो हालिया,
हाया हानाय नङा अनजालियाबो।
लाथिख'खौनो गोबा गोबा थांनानै थायो आं।
थैनाय आरो थांनाय,
थांनाय आरो फैनायनि गेजेराव।
सानस्रियो थब्ल थब्ल गेलेयो आं थरथिँसे निहिराव।