रैसुमै/जागायफिन्नाय Poem by Ronjoy Brahma

अनजालि आं बावलांदोँमोन, बावलांथारदोँमोन आं।
संसारनि जेथो गोनां बाराव
हजोँ बिरखारलाय ओजोँ बिरखारलाय।
जेथोजोँ जेँनाजोँ जुजि जुजि।
एबा आं हाब्रुआव गाब्रबाय
हाद्रियाव गेलेनाय समाव,
हाद्रिजोँ बबेवबा बिरखारलांफाबाय।
हान्थि हान्थि सफैबाय आं
रोजासे अरनखौ गारबोना नोँनि सेराव।
जेथोआ थांबाय आसार थांबाय
सावोन थांबा बादोर थांबानो
सरद बोथोरा फैथारनोसै।
दुफां बोथोरा फैथारनोसै
दैज्लां खाथि खाथि
दैसा बोहैजेन्नाय सुदेम समाव
जोँ सानैजोँ समाय हादोँमोन गोमो गोथां-
गोदान मुलुगखौ साखि लानानै।
औ आय दैमानि फाराव-
''नोँ दैसा सेराव होनाय रादायखौ
आं दखना रोबैआव खानानै लादोँ''
आं सानदोँ नोङो बुंथारगोन बुंखाथारगोन।