**ऋतुस्वप्नं *** Poem by Chaitanya Kanherikar

**ऋतुस्वप्नं ***
**
**द्वारा: चैतन्य कन्हेरीकर
**
**हाक अबोल गुणगुणली कानी
**साद कवितेतं उमटली राणी
**शब्दातं भाव उमटता मनो मनी
**फुले आनंदात फुलली रानी**१
**
**हाक अशी दे ना सखे
**अशात ऋतू झाला हिरवा
**कुहू बोलला कुठे कोकीळ
**मिठू बोलला राघू बरवा**२
**
**सरी ऊन पावसात नाहूदे
**इंद्रधनु सप्तरंगात उजळूदे
**तळ हाती नक्षी मेंदी रचूदे
**गालावर गुलाबी खळी खुलूदे**३
**
**नाचुदे मोरं फुलवून पिसारा
**साथीला गंधधुंद अवखळ वारा
**अवचित बरसल्या पारदर्शी गारा
**दिसला हसरा प्रतिबिंबितं चेहेरा**४
**
**वाऱ्यात सुगंध गुलबक्षीचा
**मधून उठे गंध मधुमालीचा
**धुक्यात विरला गंध पारिजाताचा
**अशा ऋतुत ऋतू वसंताचा**५
**
**पडला फिका गंध मोगऱ्याचा
**जाईचा अन नाजूकशा जुईचा
**की सोनियाच्या सोनंचाफ्याचा
**पुरुनी उरला गंध रातीच्या राणीचा**६
**
- चैतन्य कन्हेरीकर २जुलै२०१३