सान दोबैनाय लामाजोँ Poem by Ronjoy Brahma

सैनानै लानाय सोलेर मालायाव
दिन्दां जानानै थायो जिउ
थास' बिलाइनि दैबादि
दिन्दौना थायो जिउनि खाफालाव निहिर
बेखौनो गोबाना लादोँ आं
सान दोबैनाय लामाजोँ
रंजानाय, रंजानायनि उनाव
गाबनाय, गाबनायनि उनाव
गां बुब्राब बुब्राब खोमसिनिफ्राय-
अखाफोर लोगो मोनबाय
अनजिमा गैयै हाथर्खिनि लामाजोँ
आलायारननि सल' खोनाबाय आं
माब्लाबा गिनायनि उनाव गिनाय
फिन गाबनायनि उनाव रंजानाय
दै बाज्रुमनि गोगो महराव
बयखौबो गोबानो हान्थिदोँ आं
फै सिमां नोँखौ फोजोबगोन
मोकथां सुजुगोन साननि सोरांजोँ
फै खोमसि नोँखौ बुस्रांगोन
रंजानाय, रंजानायनि उनाव