नोंनि मिनिनाय सुजुगोन मेथाइजों Poem by Ronjoy Brahma

हांगारनि दामोल जानाय हरआ
नोंनि मोखांखौ लाखोमाबोला
आं लेंहरगोन आंनि लोगो सोरांखौ
हाथर्खि अखाफोरजों बुंफबनाय अखोरांखौ
त्रिपाल गोसोम जोमैया
नोंनि मिनिनायखौ फरायजायै खालामबोला
आं लेंहरगोन आंनि लोगो बारहुंखाखौ
नोंनि मिनिनाय सुजुगोन मेथाइजों
हार्सिंङै जेरै आं फबजाया हाखराव
नोंखौ एंगारना थाङा खैफोदाव
अनजालि आंनि आखायाव हम
आंखौ गोबाना ला बिखायाव
नों थायोब्ला बालाहामायाव बोहैयो निजिरा
नों थायोब्ला सिमांआ सिमां जाया
हार्सिंङै जेरै आं फबजाया हाखराव
नोंखौ एंगारना थाङा खैफोदाव