जोँ खेबसे स्राय मिनिनो हायो Poem by Ronjoy Brahma

गोजां बोथोरनि हरबादि
सोरबा अनजालु-अनजालिनि दाहाया
आर'पनि सल'फोरनिफ्रायबो गोलावसिन
प्रसेनजित ब्रह्मनि सल' बबिनि गोरबोबादि
.
फाखुवानि बां गाबबादि दाबफलायना
जोँ गोसो-गोरबो आरो
गुस्थिफोराव बिबार थुनो हायो
जोँ खेबसे स्राय मिनिनो हायो
.
जोँ गोजां बोथोरनि दुब्रि
जेहेथु निहिरा जिउ जायोब्ला
जोँनि गोरबोआ थास' बिलाइबादि
जोँ जिउखौ जोबोद मोजां मोनो
.
लाथिख'आ लाथिख' नङा
मानोना बेवहायनो बुंफबनाय
नोँनि आंनि मोनसे गोरबोनि
नोँनि मेगनानो आंनि मेगन
.
जोँ खेबसे स्राय मिनिनो हायो
एभारेष्टनि थिखिनिसिम बिरलांनो
थेबथेफारि दाउसिन जानानै
अखाफोरनि दैमायाव सानस्रिनो हायो
.
खायमा अख्रांआव बिरदावनो हायो
मानसि लांखारनि मेथाइ रोजाबनानै
गोजां बोथोराव सिमां नुब्ला
नोँ हामगौ हामगौ सानोना साना? ?