लाइमोननिफ्राइ नोँ जाबाय फुरगेव आमाव Poem by Ronjoy Brahma

गुस्थि सुनज्रोम जायै
सोरबा अनजालिनि बेजरा गुस्थिबादि
मोनसे मोनाबिलियाव आं नुयो
उजि गोदान अखाफोर
.
सेराव थरसे अलंबार
बेँखनदोँ कमला गोमोन जोमैया
थैहाबो आं मोजां मोन्नानै
नोँनि गोरबो दांग्रोम दांग्रोम
.
ददेरे देरबाय नोङो
जानजिनि उनाव जेरबायाव गान्नाय
लाइमोननिफ्राइ नोँ जाबाय फुरगेव आमाव
आंनि गोसोआ खारलाङो आरो फैफिनो
.
आहा! अखाफोर
नै अनसुलि आंनि आय
नोँनि आहार सोबै सोबै
गुफुं जाबाय आंनि गोरबो आंनि सोलेरा
.
मिथिगौ आं बुंनो नागिरनाय
हांगारनि दामोल जानाय
बे खोमसियाव
सोरां जायो नोँनि खुसिजोँ बुहुमा
.
आयै जोमैखौ एब्रेना नायहर
फासिनि दौलेँआव सैनानै थानाय
सोरबा दुखुथिया रान्दिनि मोखांबादि
गेरेमसा बिफांआव सांगिना दादोन मोखां
.
गोमोहाब नायहरो आं
बिजिरख'नो हायै गोरबोनि
माबा इसारा खेँफोरजायै मिजिँजोँ
लाइमोननिफ्राइ नोँ जाबाय फुरगेव आमाव