००० ०००आरती फुटबॉला ००० ०००
००द्वारा-चैतन्य कन्हेरीकर
००० आरती फुटबॉला, प्रेमे ओवाळू तुजला,
००० कुरवाळू तुजला, आरती फुटबॉला ०००! ! धृ! !
००० उष्णोदके नाहविले, शुद्धोदके करविले
००० दुर्वांकुर अरपिले, पुष्पगंधानी पूजले
००० सर्वलंकारारथे तुज, हळदी कुंकवानी रेखिले
००० पंचामृत नैवेद्ये, धुप दीप दावियले
००० दिवे भावे ओवाळिले, प्रेमे भावे ओवाळीतो, तुज! ! १! !
००० आरती फुटबॉला ०००
००० लत्ता प्रहार तू खाशी, ठो दे ठो दे ठोदेशी,
००० ना कपाळा तू मोक्षी, चिखला पाण्यात लोळशी
००० तरी नातुरे शिंकशी, जरी घरात शिरशी,
००० तावदानास भेदशी, शिव्या भलत्या तू खाशी, तुज! ! २! !
००० आरती फुटबॉला ०००
००० नवसाला पाव, खर्या भक्तीला तू पाव
००० तुझ्या भक्ताला तू पाव, तुझा महिमा आठव
००० आमच्या संघास जिंकव, बेटिंगा रिचव
००० मग माग जे हवं, पुरविन हट्ट तुझे सर्व, तुज! ! ३! !
००० आरती फुटबॉला ०००
००० एके दिवशी रुसला, काटा अंगात घुसला
००० भगताकडे नेला, कोंबडा-बकारही दिला....
००० जोड चिकटविला, चांभारे शिवला, तरी नातू रे भरला
००० किती किती फुगवला, गेला गेला जीव गेला, तुज! ! ४! !
००० आरती फुटबॉला ०००! ! धृ! ! ००० प्रेमे ओवाळू ०००
००० - चैतन्य कन्हेरीकर
कर्जत(रायगड) १३जुलै२००४
This poem has not been translated into any other language yet.
I would like to translate this poem