००० कविता एक अनंत तृष्णा ००० Poem by Chaitanya Kanherikar

००० कविता एक अनंत तृष्णा ०००

००द्वारा-चैतन्य कन्हेरीकर

००कविता एक हृदय मनोगत संवेदना सर्वस्पर्शी
००अबोध असाध्य जीवन उलगडते कधी
००दिशा भुलविते फुलविते रमवते जीवनात
००उठवते कधी तोडते जोडते कविता०००

००सुख दुखात देते साथ कधी विषय धरून
००कधी सोडून जाते कविता उर दाटून००उरात
००धडकी उरावर कधी शिरावर बसते कविता
००जिव्हारी लागते हादरवते बिथरवते चिंगारी

००भडकवते कविता कुठे आमोद प्रमोद वा
००प्रमाद माजवते कविता पूर्ण सत्यशील००
००तत्व सत्वपूर्ण शालीन शीलवान गुणसंपन्न
००कविता अश्लिल अश्लाघ्य अविवेकी अवगुणी

००अवतरते कविता आर्त कधी सार्थ परमार्थ
००अभिमानार्थ स्वाभिमानी दुराभिमानी उपजत
००भ्याड द्वाड सिहांची दहाड गरजते कविता
००आषाढी ओघळते बरसते श्रावणात भाद्रपदी

००ठुमकते कविता रानी वनी बनी आसमानी
००विहरते डोंगर दरीत दरियात कविता विहंगम
००मनहर सुंदर मधुर सुरातालात डोलते कविता
००आदिम आद्य ऋचा प्राचीन काव्य कवन

००तमो सत्व रजो गुण संपन्न अर्वाचीन बनते
००कविता भावविभोर अनिर्बंध बेबंध बेफ़ाम
००मद्य धुंद छंद मुक्त विहरते कविता
००असंभव असमबद्ध कविता वृद्ध जराजर

००हरपोनी शुद्ध क्षुद्र बिभत्स भयानक
००संमोहक संहारक मारक उपजते कविता
००सत्यशील क्षमा शांती बुद्धी वृद्धींगत शुद्ध
००संम्येक संबोधिवान बुद्ध अनासक्त सन्यस्त

००निवृत्त कविता सर्वसंग परित्याग अंगीकार
००स्वीकारते कविता साज शृंगार नखरा
००आपल्याच तोरयात आपल्याच रंगात ढंगात
००इंद्रधनु सप्तरंगात सर्वांग नहाते कविता


००रंगसंगतीत कधी रक्तरंजीत वीरश्री आवेशात
००तुतारी नगाड्याच्या नादात स्फुरते कविता
००स्फुरण चढोनी पोवाडा गरजते कविता
००गद्य पद्या पलीकडे हृदय सहृदयी भावते

००कविता अशी अव्यक्त अविभक्त आसक्त
००कधी अथांग अविरत अनंतात लुप्त होते
००कविता एक अमर संजीवन अमृत श्रवण००
००कविता एक हृदय मनोगत संवेदना सर्वस्पर्शी
००-चैतन्य कन्हेरीकर

००कर्जत(रायगड) २०डिसेंबर२०१६