غزل - شاید (اَخْتَر جواد)   Poem by Akhtar Jawad

کیا پوچھو ہو میں کون ہوں انسان ہوں شاید ، 
یا پِھر کوئی بھٹکا ہوا حیوان ہوں شاید. 
چھوٹی سی میری بات تھی تم اتنے خفا ہو ، 
یہ بھی نہیں سوچا کہ پریشان ہوں شاید. 
گر آج نہیں کل میں چلا جاؤں گا گھر کو ، 
دو دن كے لیے آیا ہوں مہمان ہوں شاید. 
ہاں میں بھی وہی تم بھی وہی وقت نہیں وہ ، 
بھولا ہوا بسرا ہوا اَرْمان ہوں شاید. 
اچھا ہوا دھندلے نظر آنے لگے چہرے ، 
کمزور نگاہیں ہیں نگہبان ہوں شاید. 
جو میں نہ بھلا پایا چلو تم ہی بھلا دو ، 
میں اب بھی گئے وقت کی پہچان ہوں شاید. 
تھوڑی سی میری فکر اگر آپ بھی کرتے ، 
میں آپ کا کھویا ہوا سامان ہوں شاید. 
اچھا چلو بیٹھو یہ بتاؤ کہ ہو کیسے ، 
دکھتے تو ذرا تم بھی پشیماں ہو شاید. 
ایسے ہی تو ہوتے ہیں محبت كے یہ مرے ، 
حیرت پہ کسی دوست کی حیران ہوں شاید. 
بھاری پڑی مجھکو یہ رفوگر کی محبت ، 
کچھ بھی نہیں عاشق کا گریبان ہوں شاید. 
مطلع ہیں اگر آپ میری بھولی غزل کا ، 
میں آپ كے افسانے کا عنوان ہوں شاید.

Ghazal - Shayed (Akhtar Jawad)

Keya poocho ho maiN kaun hooN insan huN shayed,
Ya phir koi bhatka hua haiwan hooN shayed.
Choti si meri baat thi tum itne khafa ho,
Yeh bhi nahiN socha kh pareshan huN shayed.
Gar aaj nahiN kal maiN chala jaooN ga ghar ko,
Do din ke liye aaya hooN mehman hooN shayed.
HaN maiN bhi wohi tum bhi wohi waqt nahiN woh,
Bhoola hua bsra hua arman huN shayed.
Acha hua dhundley nazar aane lage chehre,
Kamzor nigaheN hayN nigahban huN shayed.
Jo maiN nah bhula paya chalo tum hi bhula do,
MaiN ab bhi gaye waqt ki pahchan huN shayed.
Thodi si meri fikr agar aap bhi karte,
MaiN aap ka khoya hua saman huN shayed.
Acha chalo baitho ye batao kh ho Kaise,
Dikhte to zara tum bhi pasheman ho shayed.
Ayse hi to hote hayN muhabbat ke yeh mare,
Hairat peh kisi dost ki hairan huN shayed.
Bhaari padi mujhko yeh rfoogar ki muhabbat,
Kuch bhi NahiN aashiq ka gareban huN shayed.
Matla haiN agar aap meri bhooli ghazal ka,
Main aap ke afsane ka unwan hooN shayed.