बे हादोराव, बे हादोरावनो सानसे
जुगामि रायजो खुंदोँमोन-
थागिबि गेदेमा बर' हारि,
सुथुरा फैनानै सावनानै होबाय अर
अरजोँ हाया दैजोँ
एनजर गुदुंआव दै लुनायबादि
बोलोजोँ हाया सोलोजोँ गादब फैबाय
बेबादिनो जोँनि थामोन्थाया गुलुंबाय।
सोरबा राभा, सोरबा दिमासा जाबाय
ककबरक, तिवा आरो गार'
हारिसा आरो रावसानि दालाइ
गेदेमा हारिया जोबस्रांनायनि फारि लाबाय
आरोबाव सहायनो हालिया सुथुरनि नाख्रेब-सुख्रेब।
जोँ लुबैयो बुहुमनि हारिफोरनि गेजेराव
आलादा गेरेमसा हारि महरै थांनानै थानो,
बे हास्थायनाया जोँनियाव दं,
आरो हारिखौ जोथोनै लाखिनो
राव-हारिमु-घोरोमनि बेँखनाव आलादा रायजो।
बेखायनो मनग्लाबनाय मुगानि आंसोलाव
दखरसे रायजो सादिनानै
जोँ हारिनि निदानखौ फोरमायो
उदांस्रिखौ लाबोनो सतबांसा लायो,
बिग्रायारिफोर, नै उदांस्रि हास्थायारिफोर
नोँनि खुद्रिनायखौ लानानै फै
नोँनि खुद्रिनाय आंनि खुद्रिनाय जमा खालामनि
मोनसे जथुम्मा राजा लामायाव,
राजा लामायावल' नङा रादाब बिलायाव,
दाउफ्रि गोबानाय दोँसे देरहासाद मेथायाव
This poem has not been translated into any other language yet.
I would like to translate this poem