મારે કરવી હતી ઘણી વાતો Poem by Mehta Hasmukh Amathaal

મારે કરવી હતી ઘણી વાતો
Sunday, November 10,2019
9: 28 AM

મારે કરવી હતી ઘણી વાતો
ઓછી પડી ગઈ રાતો
સંધ્યા થી માંડી સવાર સુધી
ઓછી પડી અવધિ।મારે કરવી હતી ઘણી વાતો

તું તો ગઈ મને છોડી
મારી આશાઓ ને તોડી
તે તો લીધી અંતિમ વિદાય
છોડી ચાલી બધો સમુદાય।મારે કરવી હતી ઘણી વાતો

હું તો હતો પાલવડે બંધાયેલો
સ્નેહ ના તાંતણે વણાયેલો
તારા પ્રેમ માટે પંકાયેલો
અધૂરો ઘડો છલકાયેલો।મારે કરવી હતી ઘણી વાતો

હું સરી જાઉં ભૂતકાળ ના પડછાયા માં
સુરક્ષિત હતો તારી કોમળ છાયા માં
કદી ના લાગી મને તારી એકલતા
તું તો વીંટળાયેલી રહી જેમ લતા।મારે કરવી હતી ઘણી વાતો

મેં પ્રકાશ ની પણ પરવા ના કરી
તું તો કરતી રહી મારી ચાકરી
તારી આંખો માં, મેં જોયો પ્રકાશપુંજ
તું તો વર્તી રહી જાણે સહજ।મારે કરવી હતી ઘણી વાતો

આવી વાતો ના વહાણા વાઈ ગયા
સાથે મારી યાદો ને લેતા ગયા
ઝખ્મ તો હતા તાજા પણ પુરાઈ ગયા
મારી યાદો માં જાણે સમાઈ ગયા।મારે કરવી હતી ઘણી વાતો

ના મળે કદી કોઈને, વસમી વિદાઈ
સહેવી પડે કદી કારમી જુદાઈ
માનવ ખરો પણ માટી નું પૂતળું
અંતરમન થી ધીરે ધીરે બળુ।મારે કરવી હતી ઘણી વાતો

હસમુખ અમથાલાલ મહેતા