गांसे बिलाइ Poem by Ronjoy Brahma

गांसे सोमखोर बिलाइ
बार खोलोआव बिफां नागारनानै
बिरलांनो सानो
बुब्राब बायो गांखं बारआव गोजावलांनो

नों बेसे समायना बेनिबो सिमा दं
सिरिसे हानाय अखायानो सुस्रालांनो हायो
नोंनि देलाइनाय
मोखांनि क्रिम आरो फाउदार
गोसोनि समायनाखौ हुखुमुरनो हायो मोनसे दाहायानो

आं मिथिगौ नोंनि हाबिला आरो हास्थायनाय
एखमबा हलायलांबाय थायो
एखमबा गाथोनाव अन्थाइ जसोनायबादि
दौ दाब्ला जसोनानै थायो

गांसे सोमखोर बिलाइ
नों बेसेदि आजोलि
बिफांनि आहार सोबनानै देरबोनाय
बार खोलोआव बिफां नागारनानै
बिरलांनो सानो