आथिखालाव गावखौ आयनायाव नायोब्लानो
जोबोद लाजिनाय मोनो आं
थगायनो रोङै आयनायादि एसेबां गोथार!
आंनि जिनिर मोनसेखौबो बियो सिखोमाया।
बावदियानि सेरजानि बैदासि गुथालावनो
सोर्गोनि होरलां जांख्लायाबो मोसायो,
गावनि दुखुनि ओंथिखौ बुजियो बावदियाआ
ओरैनो बुङाखै आं मोन्दांथिनि बुंफुरलु
फिथिगमनि गारांआदि एसेबां खोनासंथावै!
लिरजायै मुंल' थालांनाय आबौनि सल'आ दुखुगोनांसिनबाव
गले गले रुंगलांब्लाबो आरो
दाउथुआदि आरोबाव बासा बोदोंमोन
नंगौ बै बैग्रि बिफांआदि दानफायजाबाय
मिथिगौ बेसेबांदि आंगोमोन दाउथुआ बिफांजों!
गोरान दुब्लिखौ गुरै खालामनो थाखायनो
बेसेबांदि अखा लेंहरो बंग्ला बोराय बंग्लि बुरैया!
जेनिबो साबिया बयनिबो खुगायावनो
बेखायनो खुगाखौ बेखेवग्रोनांगोन।
मेगननि मेथाइफोरा जेब्ला खुवा हाद्रिजों दावहा नाङो
आथिंनि आगानफोराबो बिबारनि महर लायो,
आरो गोसोआ फुंजों आखाय हमलायो
जोमैनि अखाया होनबा बिबारनिनो महर लायो।
खबाम जांख्रि जांख्रि खन्थाइफोरा
हिमालयखौबो मानखोयो आं बाज्लगासिनो
आथिखालाव गां थुनानै बिरदावनायनि जौथाइ,
बेखायनो आंनि सायखंआ जाहाथे गोलेरजों मन'जाया
आं सानो, सानबाय थायो आं
This poem has not been translated into any other language yet.
I would like to translate this poem