लोमजायाबा हामगौ सानो आं बेखायनो Poem by Ronjoy Brahma

आथिं दं गोसोबादि थांनो हाया
आखाय थाब्लाबो लुखुर- लाखारखालामनो हाया
गोसोबादि जानो लोंनो बाथ्रा बुंनो हाया
लोमजायाबा हामगौ सानो आं बेखायनो

जानोबो जानो बेसे जानो मुलि
खुगायानो खाहाबजोबबाय
खर'आव मुलिनि मैलाया जमा जाबाय
बिजि सुबाय गंबा- सुबावनांगौ
सेलेन लाबाय गंनै

नआवनो थाबाय थानांगौ जादों
अखा दोमैलुलु
जेथो दान दानो जुब जुब हागोन
दानो सानदुं थिं थिं दुंगोन मा थिग
नाथाय लोमजायामोनब्ला माइ दुब्लि बिसनथिलि फाखोसे
खारथिंनानै फैनो हागौमोन
उनदुनो मालाय हुदा गैया गैया
उनदुबाय थानो हायो एसेबां सोरबा

बोलो गैया गैया
माखौबा मोनजायो माखौबा मोनजाया
दाबो गोसोबादि आदार मोनजायाखै
ननि सिथ्लाखौनो खुदियाबादि गंसे मुलुग साननानै लानांगौ जादों
गोसोआल'सो बिरलांबाय थादों मोनब्रै रुगुं गोजान गोजान
हाजो गोथै हाखर लैथो-लैथोमा हाग्रा-बंग्रा
आरो आं मोजां मोनग्रा मोनसे जुनिया गंसे मुलुग सानबोलावरिनि