Praveen Kumar in Divya Belaku


ಅಸಹಾಯಕತೆ - Poem by Praveen Kumar in Divya Belaku

ಅದೇನು ಹರುಷ, ಅದೇನು ಉಲ್ಲಾಸ
ನಿನ್ನ ನೆನೆಯುವಾಗ,
ಅದೇನು ಹುರುಪು, ಅದೇನು ಚೈತನ್ಯ
ನಿನ್ನೊಡನಿರುವಾಗ;
ಮಲ್ಲಿಗೆಯ ದಂಡೆ ಅರಳುತ್ತಿರುವಾಗ
ಅದೇ ಕಂಪು ಸೌಗಂಧ,
ಗುಲಾಬಿ ವನದಲ್ಲಿ ತಂಗಾಳಿ ಸುಳಿವಾಗ
ಅದೇ ಭಾವ, ಸುಸ್ವಾದ;
ನಿನ್ನ ನಡೆ ಚರ್ಯೆಯಲಿ ಲಜ್ಜೆ ಸೌಂಧರ್ಯ,
ಅದೇನೋ ಮೋಹಕತೆ,
ಮಾತುಕತೆ ಪರಿಚರ್ಯೆಯಲಿ ಇತಿಮಿತಿ ಗಾಂಭೀರ್ಯ;
ಇಲ್ಲಿ ಸಲ್ಲುವವಳಲ್ಲ ನೀನು,
ಪರಲೋಕದಿಂದಿಳಿದ ಸಾಕ್ಷಾತ್ ದೇವಿ,
ದೈವೀಕತೆಯ ಪ್ರತಿಬಿಂಬ.

ದಿನದಿನ ಜೊತೆಗೆ ಸಿಗುವವಳಲ್ಲ ನೀನು,
ನಿನ್ನದೇ ಇತಿಮಿತಿಯಲ್ಲಿ ಇರುವವಳು ನೀನು;
ಮನುಜ ಸಹಜದ ಸ್ವಾರ್ಥ ಲೋಭ ನಿನಗಿಲ್ಲ,
ಪರಾರ್ಥ ಮರೆತು ಎಲ್ಲೂ ನಡೆಯುವವಳಲ್ಲ;
ನಿನ್ನ ಸೌಹಾರ್ಧದಮೃತ ಸವಿದಿರುವ ನನಗೆ
ಬೇರೆಲ್ಲವೂ ಗೌಣ, ತೃಣ ಸಮಾನ, ಕಳಪೆ.

ಕಲ್ಲು ಮಣ್ಣು ಮುಳ್ಳು ತುಂಬಿರುವ ಇಲ್ಲಿ
ನಿನ್ನೊಡನಾಟ ಸಹಜವಲ್ಲ;
ನಿನ್ನದೇ ಭಾವಭಾವನೆಗಳ ತಕಲಾಟದಲ್ಲಿ
ಒಳಗೆನೆ ಹುದುಗಿದ ನೀನು
ದಿವ್ಯ ತಪಸ್ವಿನಿಯಂತೆ, ಹೊರಗೆ ಸುಳಿಯುವುದಿಲ್ಲ;
ನನ್ನಳತೆಗೆ ಮೀರಿ ನಿಂತು
ನನ್ನೊಡನಾಟಕ್ಕೆ ಹಂಬಲಿಸುವ ಕೌತುಕವು ನೀನು;
ನಾನೋ ಅಸಹಾಯಕ, ದುರ್ಬಲ,
ನಿನ್ನ ಹಲುಬಿನ ಹೊರತೂ ಕೈಲಾಗದವನಾಗಿ
ಹಳಹಳ ಹಂಬಲಿಸುವ ನಿಷ್ಕ್ರಿಯ;
ನನ್ನ ಚಾಚಿದ ಕೈ, ಅಲ್ಲಿ ನಿನ್ನ ಚಾಚಿದ ಕೈ
ಪರಸ್ಪರರ ಸೇರದ ಕೊರಗು;
ಏನೋ ಆಶೆ ನಮಗೆ, ಭವಿಷ್ಯ ಭರವಸೆಯಲ್ಲಿ
ಪುಣ್ಯ ಸಮಾಗಮಕೆ ಕಾದಿರುವೆವು.

Topic(s) of this poem: life, love


Comments about ಅಸಹಾಯಕತೆ by Praveen Kumar in Divya Belaku

There is no comment submitted by members..

Maya Angelou

Caged Bird



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Sunday, July 2, 2017



[Report Error]