मोननायनि उनावबो गोमालांफिनदों Poem by Ronjoy Brahma

गोरलैयै मोननाय नङा
नोगोद हास्थायनाय आरो फोथायनायनि गेजेरजोंसो
बिखौ मोनदोंमोन आं बिखा गेजेराव
बिखाखौ बोखावनानै ओंखारलांफिनदों

हास्थायनायनि दाय आरो फाफखौ रुजुननानै
दाबो आं हास्थायबावो
आरो उद्रायनानै लानो लुबैयो गासैबो गोरोन्थिखौ

बोथोरजों लोगोसे गुस्लायफालाङो गोसो
गुस्लायलांदों हाजार मिजिं सुबुंथिनि
दै दाहारनि अन्थाइबादि दोरोदलांदों
हाजार हाजार सुबुंनि सतबांसा थैनाय आरो थांनानै थानायनि
आंगो सोमोनदो अनज्लायनाय आरो जुलिनि

नाथाय नोंखौ मोजां मोननाया दाबो थायो
आंनि थै आरो थांनानै थानायाव
बिखा सिंनि खना खनलानि जलंगायाव

हास्थायनायनि दाय आरो फाफखौ रुजुननानै
दाबो आं हास्थायबावो
आरो उद्रायनानै लानो लुबैयो गासैबो गोरोन्थिखौ