दुखु आरो निरासानि हरा हांगारबादि
जेन'बा दिनै बंग्लानि मोखांआव हाग्रामाया हांगार।
बिखुंआव ददेरेखौ लानानै खोमसियाव थाबायदोँ
जोबनो गैयै सानस्लिँनाय बिनि गोसोआदि।
खेबफा बियो लामानि अन्थायाव सौथुदोँ
गाद्लिननाय आरो गाहेनायनि हिसाबखौ थेवबो लायाखै।
माखासे सांग्रेमाया बिनि सेरसेर बिरथिँफैयो
एसेल' सोरांआवनो ददेरेया बंग्लानि मेगनाव मोदै नुयो।
बंग्लाया दैलाव नाथाय खाब्राङै सांग्रेमाखौ बुङो-
नाङा बाहाय! आंनि मेगना दाबो गोजोँ।
अब्ला सांग्रेमाया गंग्लायनाय नाथाय अख्रायै बुङो-
लामा आन्दायनायनो लामा दिन्थिनायानो आंनि मावनां।
नोङो ओरैफै बाहाय लासै लासै
दिनै नोँनि गोसोआव बजाया बांसिनदोँ।
बंग्लाहा मासे बिसिगि मुफुर दंमोन
बिनि सेराव सफैना बियो अख्रां नायदावो।
हाथर्खिफोरा दिनै थाखोमादोँ गावसोरनि गोसोबादि
हाग्रामायाव दिनै बयनिबो मेगन मोदै।
बंग्लाया गावनि लोरबांथिखौ फोरमायना
बिसिनि फाफ्लियाव खौखाबखौ होलाङो।
मुफुरा बिखौ लासैयै बुंनो हमो-
जिँगासिनांगौ जेबो गैया सुखे
नोङो राजानि गोहोखौ दिन्थिनांगोन।
जेन्नाय देरहानाया जोनोमनिनो मोनसे
बंग्लाया आखायजोँ ददेरेखौ बिलिरना बुङो-
नैबे महरगोसा गथ'आ सिख्ला देरबाय।
आं बिखौ सोरनि आखायाव होलांनो सुखे?
सानदोँ आं बिनि इयुननि सिमांखौ।
This poem has not been translated into any other language yet.
I would like to translate this poem