हान्थिनायनि आरो जिउआव सिमा गैया
आं सानो जिउखौ दावबायनानै फोजोबथारनांगोन।
आबैनि बोर- जिउ गोलाव जाथोँ फिसौ
गोलाव जिउखौ मोन्नानै बेसेबांदि गाबनांखो!
सुज्रायबारिनि हाग्रामायाव हाबफैनायनि सिगांआव
आथिँ थोँनैया बेसेबांदि थेलानारलायदोँ,
दाहानि आबुं जारिमिन बे नोगोरनि दैसायाव
थेवबोदि नाफोरा सानफ्लाङो- बेनो मुलुग
दैसा ज्रिँ रानलांब्लाथ' जेबो दाबुंसै।
गामिनि मेलाव रोँग'थि गोनां दैदेनगिरिया
सालायजोँ लिरो बिमानि रावखौ,
नाथाय सालायनि हांखोआ गोमालाङो
लेवार मानबायगासेबो सालायनि सिनायथि गैया।
प्रसान्थ एबा आरब लैथोआ बेसे गोथौ?
आबै-आबौनि सल'बाथाया गुमुर मोनसवा
बिबायारिनि उखैनायानो जोँनि उदैजोँ रायज्लायो
उदैनि गिलुबालु सोमाव-सारनायालाय माथोबाव?
बेसेरा बे अख्रांनि दावबायारि दाउफोरा-
गां सुनायखौनो नेनानै थायो दामोल जानानै,
हारिमु एबा सोदोमस्रिया मावसोम हानजानिसो गस्ला
समनि जानालाखौ बोखारना नायहरदोँ आं सोरांखौ।
नै नीलु! फेरेँगा दाउआ गाबैनि सिगांआवनो
नोँ नुहरनाय सोरांआ दाबो सफैदिया मानो?
एसेयावनो सिरिमोनो आंनि मोदै
खोनासंथावै बे खोमसियाव सुबुंनि गाबख्रावनाय
जेन'बा बे मुगायाव उजिफिनबाय दायनासर!
This poem has not been translated into any other language yet.
I would like to translate this poem
हान्थिनायनि आरो जिउआव सिमा गैया/आं सानो जिउखौ दावबायनानै फोजोबथारनांगोन।