मायदुब्लि गेजेर गेजेर मोदोमनाय Poem by Ronjoy Brahma

जोँनि मायदुब्लिया सोमखोर जाबाय
आरो गेजेर गेजेर सिबुं आजोनाय मैगंफोरा
बाज्लखांदोँ; आयआ ओंख्रिजानो लाबोगोन।
दाउब' फालोआ आथिखालाव फुरसिनदोँसै
ओंख्रिनि थाखाय आंखाल गैया गामियाव
आखाय फोलावबानो आबैजांगा बुंजाफा मोनो।
बारियाव जेरैबो मैगंनि मोदोमनाय
बार खोलोआव मोसादोँ दाउसिनफोरनि गारां।
दाखालिसो गायनाय जोँनि मायआ
बिसं खायै खायै सोमखोर जाबाय
आजोलि लाइमोन सिख्लानि देलाइनायबादि
लंदां दिनै सोरगिदिँ नायनो समायना।
मायदुब्लि; नोँनि मुस्रियाव सिमां रनसायदोँ
देग्लाय उदै बुंजासे ओँखाम मोनजागोन,
बिबु लावहाबलायब्लाबो खुथाब खुथाब
सान्दुं आरो अखाजोँ जुजिनायनि दान महरै
ननि बाख्रिखौ थिब थिब सुफुंना दोनफैगोन।