آجا Poem by Akhtar Jawad

سوتا ہوں جسے سن کے وہی ساز بجا دے
چہرے کے اندھیروں کو زرا سی تو جلاء دے
لکھ رکھے بہت سارے ہیں پھر پیار کے نغمے
آ جا کسی دن مجھکو میرے گیت سنا دے
انگاروں کی مانند سلگتی ہے میریسوچ
زلفوں کی ہوا دے کے اسے شعلہ بنا دے
ایک بوجھ سا رہتا ہے شب و روز مسلسل
ہونٹوں کے ترنم سے گراں بوجھ ہٹا دے
آنچل سے لطیفوں کے میرے پونچھ دے آنسو
بے ساختہ ہنس دوں تو اگر آ کے ہنسا دے
وہ بار کہ دل میرا دھڑکنے سے گریزاں
جادو ہے تبسم تیرا تو جادو چلا دے