गोजावलांबाय गंसे न' Poem by Ronjoy Brahma

दैबानायावबो गसंनानै दंमोन
हाजार बारहुंखायावबो बेयो थावरिनानै थादोंमोन
सारअन्थाइयाबो नायगारनानै गावख्रुबनो हायाखैमोन
नाथाय बिनि आखाय बिनि सुनि फोथायखेबस' आखाय
समजों गोजावलांदों गंसे न'

मिनि खुसि दंमोन बयबो बेवहाय
बेखौ नागारनांनायाव दा बयबो हालाइ हाफाइ

समजों गोजावलांनाय गंसे न'
गोजावलांबाय थादों जोंनि उनदुनाय रायज्लायनाय
जोंनि नांज्लाय खमज्लाय जाबायथानाय समाव

फारौ जरा उरायहोबाबो
बोरमा खासि बोलिहोबाबो फैफिननाय नङा बे न'
बेखौ समजों होसोनांगोन आरो खाबथाना दोननांगोन
बेनि थाखाय नांज्लायनानै समखौ मानो हगारहरनो?
उनदुना थानायनिथ' सम नङा

गोजावलांबाय गंसे न'
बेवहायनो जों बिदा फंबाय बयबो थायोमोन
मोदै हुगारलायोमोन