जाय मेथाइजों आं गावखौ गावनि आथिंआव दोननो हायो Poem by Ronjoy Brahma

नोङो सानसेखालि मोनसे सिमां नुदोंमोन
आंनि सेराव फैनानै
बे सिमांखौ नों आंनो दैखांनानै होदोंमोन
सिमांआ जों सानैनि थाखाय
बेखौ मोगथां खालामनो होननानै
गोबां हर आरो दानखोमसि लोगो मोननाय समाव
गाइखेरनिफ्राइ माखन दिहुननायनि बाथ्रा
गोबां सानदोंमोन आं

सिमांखौ होनानै बारा गोबाव जायाखै
गावनि सिमांखौनो थारला बावलांबाय नों
बेयो दा आंनाव थालांबाय
बै सिमांआ आंनिमोन होननानै बुंनो हानायनि नोंहा दा गोहो गैलिया

आद्रि जानायखौथ' आं गोबां नुबाय
बिबारनि बारनाय सिरिनाय
बिलाइ बिथराइनि सिरिनाय रानज्रिंलांनाय
हथसुरिया बारनि बुखारलांनाय
बेबादिनो मोनसे आद्रि सिमां

दासानदि गाबो आं रुगुं गोमाजानाय
दैमानि गेजेराव गोजावलांनाय
जिगाब बुन्थासेयाव बाबथाबनानै गोजावलांनाय एम्बु थेरेबादि

गाबनानैथ' जेबो जाया बेखौ मिथिबाय
दासानदि नंखाय बाखाय
मेथाइ रोजाबनो हमदों आं
जाय मेथाइजों आं गावखौ गावनि आथिंआव दोननो हायो
नोंनिनो सिमां आरो मोगथांखौनो लानानै