दिनैबो नोंनो गाबोनबो नोंनो Poem by Ronjoy Brahma

गोबाव जानाय
आरो गोबां बोसोर थांनायजों जेबो खोथा गैया
जिबादि मोजां मोनो- मोजां मोनो
गावनि बिखा खालामनानै लाबाय आं नोंखौ

हर थांबाय थाथों, सान फैबाय थाथों

आंथ' बोहैबाय थानाय मोनसे लैथो
लैथो नङा दानिया लैथोमासो जाबाय आं
गुबुन मोनसे लैथो लोगो मोननानै
बेवहायनो बबेनिफ्राइबा गोजावबोनानै अनथाव-बाथाव
थाबथाफैदों नों आंनि बिखायाव
बोहैबाय थानायनि सिमां दं आंहा नोंखौ लानानै

अननाय मोजांमोननायजों आंथ' गोबानानै लादों
लाबाय थागोन आंनि आयुआ थाजासिम

दिनैबो नोंनो गाबोनबो नोंनो
हाजार गाबोननि सान फैनानै थांब्लाबो
थालांगोन नोङो आंनि बिखा गेजेराव