रांरासि, मैथाहाजि, बारिगंथाम आरो आं Poem by Ronjoy Brahma

आंनि महर-मोखांखौ आयनायाव नायनानै आं जोबोद रंजाखाङो
आरो रांरासिखौ बुङो आं- नोँथांखौ साबायखर।
नोँ आंखौ सोरजिबाय आयजोँ समान सिबिजाथाव नोङो।
दुगाया बांद्रायबाव बिथांनिया, बुङो बियो दुगाजोँनो- मिथिनानै लानाया मोजां गथ'।
नोमानोबो आंसो जिउ होदोँ।
गोसो जाब्ला आं खारो आथिँजोँ, आखायजोँ हमनानै बिफां गाखोयो
बेसेदि गोजोन्नाय मोनो आंसो मिथिगौ।
जोयो आं आथिँजोँ, बुनो गोसो जाबा बुयो आरो सौवोबो आखायजोँ।
बेखायनो मैथाहाजिनो साबायखर होनानै बुङो आं- नोँनो आंखौ गेदेर गोलाव खालामबाय नोँथांखौ साबायखर।
जेब्ला खारै खारै आं हाखराव गोग्लैहां जायो एबा गाखोयै गाखोयै
आं गोग्लैहां जायो बिखा खायसिब मोनो आं।
ओँखारफिननोबो हाला फावसायफिननोबो हाले, आरो गाखोबावनो एबा खारबावनोबो हाला।
बारि गंथामा आंखौ जेरैबो बेँथेबाय।
गोजौ फारसे बेँथेबाय, उनजोँ फावसायनाय लामायाव बेँथेबाय आरो सिगांजोँबो बेँथेबाय।
गाहाय फारसेल' आं थांनो हायो माने हाखर फारसे।
सोङो आं बिथांनियाव- नोङो मानो एसेबां अन्थाइ बिखा?
बियो बुङो- नोँ फैबाय जेब्ला आंनि सेराव, फै हाखर सिङाव।
दुखु-दाहा, लुबैनाय खोमानांनाय माथो आरो नांबावगौ?