गामियाव खौखाब मावलायनाय गोजाङो Poem by Ronjoy Brahma

गोजां बोथोर होनबाथाय
आरो दाहोनखासै
हायनामुलि होजानाय अनजालिनि जोसोथोनायसो जेन'बा
आमथा आमथा गोसोथोनाय

गुसुआ आंजों आमथा आमथा
हराव उन्दुनो फैयो आंजों
गोबाख्रबै गोबाख्रबै बियो खमबल सिङाव एब्रेफायो

लाजिनाय गैथारै!

दिनैनि खन्थाइनि थाखाय
मुजिथाव सोदोब आं नागिरना मोनो
आंनि गामियाव।
गामियाव खौखाब मावलायनाय गोजाङो

फां-फुं मोनाबिलिनि बार
बिजलीनि सोरांआव गुमा-एम्फौफोर
सोरां नागिरदों बिसोर। गावसोरनि खुसिजों

दा आंनो गोनांथिया जादों
खामफ्लाइ गंसे रोहो रोहो अर जोंनाय अरदाबनि
आबैखौ गोसोखाङो आं; मानोना

सल'बाथानि बोथोर बेयो
आबै नों दानो थैथ'नो नांथारामगनलै