आं थैबाय Poem by Ronjoy Brahma

सानजाहाबो गैया
सोनाबहाबो गैया
साहा गैया गैया खोलाहाबो गैया
आं थैबाय

नैजिसे मुगानि दाखोरबारियाव
आं गोदो गोदो उन्दुनानै दं
मानोना आंबो दाखोरनि दाखोर
साबसिन दाखोर

सोरनिबा मेगननि मैखि आं
प्रशान्थ लैथोमानि फेंफोना
खारै जायै माय जिगाबनि हांगार
हासारावबो उदायै मैखुन थंग्ला सेवनाय हांगार

गां दं होननानै बिरबाय आं
दा आंनि आगान जेरावबो गैया
आगान गैया गैया आंनि मोखांबो गैया
बेखायनो आं थैबाय

आंनि मुं गाबज्रिनो बे मुलुगाव रावबो गैया
गाबज्रिनो माबोरै?
आंदि रावनिबो थाखाय आंगो जानो हायाखै
बेखायनो आं थैबाय आ.....!