खबाम ब्लेंक Poem by Ronjoy Brahma

एसेब्लाबो लाजिखायो आं
एसेब्लाबो लाजिखायो नों
लाजिनायावनो लाजिनायावनो आं रायदावनो हायाखिसै
रायदावनो हायाखिसै नों

आं नोंखौ खेबसे स्रोद नायहरो
नों आंखौ खेबसे स्रोद नायहरो
नायहरलायबाय थायो जों
गले गले स्रोद स्रोद

नायहरनायावनो नायहरनायावनो
माबोरैबा मेगनजों मेगन सौग्रावलायो
मिनिस्लु जायो आं
मिनिस्लु जायो नों

बे समावनो सम
आं नोंखौ बेसेबा मोजां मोनो
नों आंखौ मोजां मोनखो ना मोनदिया
खि फुददा सोंनो हायाखिसै आं

हायाखिसै नोंबो!