जोबोद गोजान थांबावनांगौ दं Poem by Ronjoy Brahma

मानसिनि सल' खोनासङै खोनासङै
आं दा मानसि जानो जोबोद लुबैयो
थैनो रोङै मानसि
फरायजाथाव मानसि

मानसिफोरा बुङो-जेरै लामाया सु-सुज्राइजों बुंफबनाय
बे लामाजोंनो थाबायलां
मानोना जेथो गोनां लामायानो मानसि जानायनि लामा
बेखायनो आं मानसि जानो लुबैनानै दानिया गाबनोबो नागारबाय

नाङा-फाङा मिनिनायखौबो दोनथ'बाय
गोसोनि फां-फुं बोरथिया आखुजों जुजिथारनांगोनदि

मानोना आं दिनैनिफ्राइ जिउनि बनजार, जिउनि बैथा
जिउनि लागाम आरो अहिंसानि थखन गासैखौबो
गोसो मोनसेजों सामलायनानै दावगाबाय

आं थाबायबाय थाबायगासिनो
जोबोद गोजान थांबावनांगौ दं