अखोरां Poem by Ronjoy Brahma

साननायफोरानो साननाय बायदि बायदि
नाथाय जा सानो
थांनानै थानायनि
बयबो; एम्फौ-एनला दंनायमानि

फेरलेब-फेनथेब सानस्रिफोरा
रंजानायनि
गेलेनायनि बायदिसिना बोथोरनि
बारजों गोरोबना रोजाबनायनि थाखाय।

हे अखोरां!
नोंनि मोखांआव नायै नायै
नायदाव नायदाव नोंनावल'
आर'ज गाबो आं

नों सोरां जानानै थाबायथा
रावजोंबो दाजेन
मानसिफोरा नोंनि मोखांआव हांगार फुनद्लाब्लाबो
नों बेखौ दैजों सुस्रांनानै ला

नों खुसिबानो आंबो खुसि
आंनि अनजालि
आंनि गथ'-गथाय गासैबो खुसि
नोंखौल' लानानै आंनि जिंगा