अननाय Poem by Ronjoy Brahma

अननायनिफ्राइ देरसिन बान्था गैया
होनाय आरो मोननाय;

बेखायनो आं अननायखौनो लुबैयो
नागिरो
हास्थायो

आं थांनानै थानो लुबैयो
सोरनिबा अननायनि बामख'आव
गोलाङै गोलाङै;

रजेनि अननायनि आसियाव
आं थांनानै थानो लुबैयो
थांनानै थानो लुबैयो-अननायनि हादोराव

अननायनि लैथोआव थब्लयै थब्लयै
अननायनि दैसायाव गोजावै गोजावै
थांनानै थानो लुबैयो

अननाय सोरजियो
अननाय मागियो आं
मानोना अननायजोंनो बुहुमा थांनानै थायो
साना ओंखारो; हरआ आनज्रायलाङो