राजा गैया बे मुलुगाव Poem by Ronjoy Brahma

राजा गैया बे मुलुगाव
नाथाय राजानि गोनांथिखौ सानो बयबो
जायफोर गावखौनो राजानि एसेबां गोहो मोनदाङो
बेखायनो राजा जानो राजा जानो स्रोद स्रोद साननानै
सानथ्रि बुथुमनायाव मुखुब आखाय गोलावफोरनि आखाय

राजा गैयै मुलुगनि राजा जानो
बिसोरनि बेसेबांदि आखाय आरो सिमां
बारआबो सौग्रावनो हाया बिसोरनि मोदोमाव

इसोरखौ दहाय होनानै
लैथो रुगुंआव जोंनि फाव-फुजा होनाया
जैगोसालियाव फिथाइ गिहु आहुथि होना
मुलुगाव गोजोन जाथों होननाया
बोर बिनाया बेसेबांदि इनायसो जाबाय

राजा गैया बे मुलुगाव
राजा जानो बेसेबांदि दावहा
बमा बारुदनि आंखाल गैया दिनै
सिलाइ खामाननि
नंखाय बाथ्रानि आंखाल गैया
आंखाल थोबसे गोगो बार आरो थरथिंसे दैनि
मोनसे समायखिरानिसो आंखाल
जायखौ बयबो फालिनो हायो