काजिगाव लै काजिगामियाव Poem by Ronjoy Brahma

गेदेमा जनिल कुमार ब्रह्मआ खिन्थानाय
फर्बतजरानि सालमुरा नायनो
फै थांनि लोगोफोर
जारिमिननि सल' बेवहाय संनो थांनि

गुरुदेबआ जैगो फाथिजेननाय बैनागुरि
जैमा हाजो मंग्लाजरा बोरसिजरा बायदि बायदि
थिपकाइनि सिलाइ दैसा राज दमराखौ
फै लोगो नायनो थांनि

बेवहाय दाबो गोदै-गोथाव
आहुथिनि फिथाइ खामनाय मिलौनाय
हब हब मोदोमो
फै बर' हारिनि गोगो सोदोमस्रि खननो थांनि

चरण मन्डलनि गान्दुनिफ्राइ ओंखारबोनाय
ब्रह्म दोहोरोम
कलिकातानिफ्राइ देरदोखोन देरबोनाय
बर' हारिनि जावरिखांनाय सल' खोनासंहैनि

गुरुदेब दानाय बर' फरायसा आफाद
बिथांआ नाजानाय बर' रिजिमेन्ट
बेफोर दिनै दुलाराइ बर' फरायसा आफाद आरो
बर'लेण्ड माब्रै महर मोनखो मिथिलायनि

काजिगाव लै काजिगामियाव