नखोरां बुंजासे दाउथुआ बिरो
गांखंआव मिलौहाब मेथाइ लानानै;
आंनि बिखानि बालाहामायाव अखा लुफावो
सयथि दोंसे सानबोलावरि खन्थाइ
सान हाबनायनि सिगां
दुखुथिया आर मेंग्लिनांजासे मागिनांनाय गोरबोखौ
बिथांनि आखायाव गथायनांगोन;
रोजाब नांगोन गुफुर बिलाद लाथानि सल'
आंनि आबादथिलिया सलादें गोग्लैना दं
थैफ्राम थैफ्राम फुं बेलासि;
गोमाबाय आबादारि बबेबा बिसुब हांखोनि एक्सिडेनआव
आंनि जिउ काहारबाआ नागिरो देंखो होनानै
हाजो नोंनि बिखायाव खर' दोनो
मेगननि मोदैआव आरो बेसे बारज्रुमबावनो?
बोथोरा फैयोब्ला गोरान दालाइआव बिबार बारहोयो
लोगो जिलिदखौ उनदो मिजिं सौसिनो
अनजालिया बिबार सुखांना होनाय फालि गोबानानै
फिन नों अनजालिनि दौबा सुफुंदो;
नोंनि गथ'नि आखायाव गां गांनै गथायना होदो
लोगो सिमांआ थाजिम जागोन बिबारजों
This poem has not been translated into any other language yet.
I would like to translate this poem