नों आंखौ दुब्ला दासान Poem by Ronjoy Brahma

रायदावनो रायदावनो होनब्लाबोसो
आं नोंखौ रायदावनो हायाखै;
बेनि थाखाय नों आंखौ दुखु मोनखो ना बोराबखो?
जेबो बुंनो हालिया आं

सानदोंसो नंगौ जेबो राहा गैया
थारै मोखांखौ बेखेवनानै नुजाथिनायबो जायाखै
अथस' नों आंनि एसेबांदि आंगो
नुजाथियासै माने नों सानदों जानांगौ-दुब्ला होननानै

नाथाय आं गोलेरजों मन'जानाय अखाफोर
सोरनिबा आखायाव दिन्दौनो गोनां जानाय;
बुंनो थाङोब्ला आं आनजाद नायजानाय
सासे बिगियानगिरिनि मोनसे दाजेम

होनबाबो लोगो सम सम
फर्दा बोद्लानानै नोंखौ नायहरो आं
थाइसे मेगनजोंब्लाबो ज्लिउ ज्लिउ
नों आंखौ दुब्ला दासान

साना थागौमानि साननि गेजेन आं
दैआ थागौमानि दैनि गेजेन
नोंखौ बुजिहोनो बेल' बिदिन्थि आंनि
आरोबाव नों दासोगाब-गाज्रि दासान

राहा गैया होनबाथाय राहा गैया
मानोना गोहो नांगौ आंनो, सोरां नांगौ
नोंजों रायदावनो थाखाय आरोबाव
मोनसे सम आरो सुबिदा नांगौ

आं बुब्लिखौ नेनानै थाबाय
फंसे बाथ्राखौ मोखास्थ खालामनानै
आं नोंखौ मोजां मोनो-गोसोखाङो
र' बे बाथ्राखौ बुंथारगोनखि बुंथारगोन आं