आं बिखौ लैथोमा सिं सिं होसोदों Poem by Ronjoy Brahma

नै नों फाग्ला आंखौ मोनगोना
बेबादि बुंनानै रावनिया दखना फैखोनानै जोमै सिं सिं खारो
आंनि अनजालिया खारो लैथोमा सिं सिं
आं आवबा। फागुण थांबाय आसिन थांबाय बेबादिनो बेसेबा

बियो ना फिथिख्रि नङा। नङा ना एलेंगा
जायखौ जेआव फोनांनो हागौ एबा आस्राजों बोखांनो हागौ
आंनि अनजालिया ना खुसियाबादि खारदों आरो एब्रेदों
लैथोमानि हाब्रु सिं सिं जेबो फाथ्था मोना आं

दैसाआव गोजोमनाय एम्बु थेरेबादि
अब्लाबो मेगन बिलिरनानै आं नायखोमायो
फलन्थ गेजेरनि थास' बिथराइ सेराव थाखोमानानै
सम जायोब्ला ओंखाम संग्रा बिबारनि महर लागोन आं

बेसेदि हफायलाङो आंनि मेगननि फैसालिआव
फुंबिलि- सानजौफु- मोनाबिलि- बिलिफां
आंनि गांनाय-उखैनाय जेखियानो जाया अरजाया
नोंखौ नुब्लानो मौसुमि बारबादि आंनि गुस्थिआव मिनिस्लुखाङो

दुलाबाथा दाउ जानानै आं जेब्ला फोथारआव लेंहरो
बार जानानै फैदोंमोन बियो
जाहार गेजेराव जेरै दाउ खुन्थुलु गाबदों बिमा गोमाजानानै
आंबो बेबादिनो बिखौ गाबज्रिदों लैथोमा सिङाव