കാത്തിരിപ്പ്! Poem by Ashika Murali Acharya

തീരങ്ങൾ ഓരോന്നായി ചികഞ്ഞു തിരഞ്ഞു ഞാൻ,  
തണൽ അറിയാത്ത പാതകൾ പിന്നിട്ടുപിന്നെയും,
തേടുന്നതെവിടെയെന്നു അറിയാതെ പതറാതെ,                           
പിന്നെയും പറന്നു  ഞാൻ  വേറെയാ ലോകത്തിന്  മയകാഴ്ച കാണാൻ,
തിരികെ വരുമോഎന്ന്  അറിയാത്ത പ്രതീക്ഷയിൽ,
അലഞ്ഞു ഞാൻ അറിയും ദിശകളിൽ എല്ലാം,  

ആരെയോ തേടുന്നു ഓരോ  മുഖത്തിലും,
പണ്ടൊരുനാൾ എങ്ങോ കണ്ടു മറക്കാൻ ആകാത്തൊരാ മുഖം,
ഒരൊ  ശ്വാസനിശ്വാസത്തിന് ഞൊടിയിടകളിലും.

ദിശകളും മാറി, ഋതുക്കളും മാഞ്ഞു,
ജീവതാളങ്ങൾ ദ്രുതഗതിയിൽ  പാഞ്ഞു,
മരവിച്ചുപോകുന്ന ജീവിത നടുവിലും,
ഓര്ദ്ദളം മാത്രം പൊഴിയാൻ മറന്നൊരു പൂവുപോൽ
നിശബ്ധമായി തേടി ഞാൻ ഓരോ മുകസന്ധ്യയും.
പാതി മറന്ന ആ പാട്ടിന്റെ ഈണവുമായി,
ഇന്നും ഞാൻ വെറുതെ കാത്തിരിപ്പു.