खोथिया बुदां जानानै Poem by Ronjoy Brahma

आं खोथिया बुदां जानानै
दाबो राङि दामो,
आंनि बखिग्रा खन्थाइगिरि गोरबोआ
नोंनि, आरो नोंनि थाखायनो।

जेथो गोनां मोनसे समनि
अननाय गैयै बारहुंखा,
बियो आंनि गोरबोखौ सिफाइफ्लेबाय
आरो लैथोआव अन्थाइजों होसिनना दोनबाय।

आवबा जाबाय आंनि हाबिलास
आंनि गोरबोनि नेम-खान्थिखौ सोलायबाय
आरो गोमो बिबारफोरा सिरिबाय;
सिरिबाय आरो सेवलांबाय मोनसे बुब्लि।

आरोबाव आंनि खहा जाथावना अननायखौ
फोथायजाथाव आमोखि जानानै
नों अनसायफै गोजानाव बोहैलांब्लाबो;
नों अनसायफै सन्द्रमालि जानानै।