सोरगिदिं बैसागु आरो बैसागु Poem by Ronjoy Brahma

सोरगिदिं बैसागु आरो बैसागु

सोमखोर मिथिंगा आरो सोमखोर गोरबो बयनिबो

बयबो मोसादों गुस्लायनाय महराव
बिफां-लाइफांनि बिलाइ
बिफांनि दालाइ अखोरां दैमा-दैसा हाजो जाहार

हाइला-हुइला बागुरुम्बा
दाउसिन-दाउला मि एम्फौ-एनला

दाउ खौऔआ रोजाबदों बिखा नांजासे
सेंगोरा-सिखोला बयबो बोराय-बेनथ'
हानजा हानजा गामि गामि
लोंदों-जादों मिनि हाला हाला उसिफावनाय खुसि

सोरगिदिं बैसागु आरो बैसागु समायना बेसेबा

बयनिबो गोरबोआव गोदान मिजिं सिमां
गांसोआ खिलिदों बिफांआव फिथाइ
बैसोमुथि गावनाय बिखा सुथेनानै अखाया
फ्रि फ्रि हादों ज्राम ज्राम हादों

सोरगिदिं खाम जथा थरखा सिफुं खावां
जांख्रिखांनाय बयनिबो गोरबो गोरबो
अनलायनाय खौसेथिनि
सिमां फुरायनाय मिजिं सुफुंनायनि

COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success