सैमा अरजानाय सासे बिबायारि Poem by Ronjoy Brahma

बि बिबायारिया गावनि उदैखौ
बेसेदिन सुथेनानै लाखो बुंनो हालिया
खौरां लानो सोर?

बिनियाव मोना बिनियाव
बि बिबायारिया हाबफैफ्लांदों गंसे नखराव
जेराव सैमा बांग्रायानो सिद्ला नागारथारा
हाथाइ गोलाव गोलाव सैमा

बिबायारिखौ नुनाय लोगो लोगोनो
सैमाया आर्निं फौ फौ सोंखाबाय
बिगोमानि ओंखाम जाग्रा सैमा
फोरोंनाय बोसोनखौथ' फालिखांनांगोन बियो

थेवबो बेसेरी बिबायारिया सिद्लायाव फैनानै बुङो-
हे इसोर! आयफोर-आफाफोर
मायरं खेन्दासे हर
मायरं खेन्दासे हराबोला फैसा गरसे हर

सैमाया बिखौ रागाजोंनो सांखाब अरो
अरै अरै बोयो
बिनि गिजि गिजि दखनाखौ गैया खालामो
बिगोमाया बिखौ नुनानै मुगैथाव मिनियो

मालायहा मानि बिहा मानि हा हा हा हा......
माहाजोन जोआबो मिनिफायो हि हि हि......