बिजुलि Poem by Ronjoy Brahma

नों फैनाय लोगो लोगो जेरैबो आराव
ओहै........फैबायलै फैबाय
सोर फैदों? सोर? सोर?
बिजुलि माने कारेनआनो फैदों

बिजुलि गैयाब्लानो जेबो जाथारला आंहाबो
ना फरायनाय ना लिरनाय
ना संनाय ना सुनाय
सौग्राव-सौसि दांग्रोम बायनोबो हाया

आंनि रक लाइट
सारजियेबोल लाइट आरो मबाइल बेटारी
थाइनै मेगन माने मेगनफोरासिनथाइ
गोदोना फोलावहरो दाउस्रि बिमायासो जेन आदार दौफैगोन

मोदोम गंसेमानि दैबाना जायो
बे खाबुआवनो साबसिन खाबु लानानै
थाम्फैफोरा बि अरफैयो
अरो माने थै सोबो मालायहा मानि बिसोरहा मानि

रागा जोङो आं थाम्फैफोरखौ
बिजुलिखौ गोदोना सेरथेग्राफोरखौ
गसाइनाव आर'ज गाबब्लाबोसो जाया- जाखाथारा
बिजुलि नों फै नों फै- थाबायथा

Estragon आरो Bladimir आ जेरै
Godot नि थाखाय सुखु गैयै
आं आरो आंनि लोगोफोरा जायो
बिजुलिखौ नेनानै गोजोन गैयै- ओम एखेबारे गोजोन गैयै