मोनसे गोलाव जारिमिननि मेथाइ Poem by Ronjoy Brahma

जाय मेथाइखौ जों खुगा खुगा रोजाबदोंमोन जाब्लाबो जायाब्लाबो
बे मेथाइआ जोंनि हानिफ्राइ सिताबादिनो जोनोम जादोंमोन
खनायथाइ खनबाय थानो लुबैयो बेसे गोदै बिमानि मेथाइ
बे मेथाइखौ फिसा फिसौनो आरोबाव गालांनांगोन आं सानो

दैमानि दैबादि लैथोनिफ्राइ लैथोमासिम बोहैलांनो बेसेदि हांखुर

हानिफ्राइ ट्रप'स्पेयेर आरो स्टेट्रस्पेर मोनफ्रोमबो बारमण्डल जोमै गोसारलांगोन
जोंनि मेथाइआ खामै खामै मोस्लेद बाथि दाजाथों
आं बुङो खोमसिनि गेजेरावनो जेन सानबादि जोंबायथायो

बे जारिमिननि मेथाइखौनो जों जाहारनि जुनारफोरनोबो राननानै होयोब्ला
हा गुदुंसिंनि खुसेंग्रा एनजर इंगिनि दांस'लियानोबो होयोब्ला
लैथोनि बयबो नाआनो गारां फिरफिला दिखांना रोजाबोब्ला
होनबा मुलुगआ दखना सुरिनाय बादि जिनाय नङा

जोंनि आग्लानि जारिमिननि मेथाइआ समायना दाउथु जानानै
अख्रांनि बे सिमनानिफ्राइ बै सिमनासिम बिरबायोब्ला
जों बामखआव बामनानै लानाय दुलुर खोमसिया जोंखौ नागारगोन
अब्ला जोंहा ओंखामनि थाखाय आखाल जानाय नङा

बेखायनो थैब्लाबो थांब्लाबो आग्लानि मेथाइखौ रोजाब नांगोन
आंनि जिउजों नोंनि जिउ सुजाबब्लाबो लावसिन मेथाइ बियो
आग्लानि मेथाइजोंनो जोबोद गोसो होसार होसार मोसानो
आबै आबौनि बिसम्बि गोबाना दं खाम सिफुं सेरजा जथा
थरखा जाबख्रिं बायदि बायदि