आं गावखौनो बुंनानै लादोंमोन Poem by Ronjoy Brahma

लाजिब्लाबो गियोब्लाबो
नोंनि गोरबोआ जोबोद अख्रा जाखाबाय
जोबोद अख्रा जाखाबाय

आं गावखौनो बुंनानै लादोंमोन

आथिं थोंनैखौ होयो हुखुम
मेगनखौ गोसो आरोबाव मोनसे गोरबोखौ
आखायखौ- खुगा सालाइ खोमा बायदि बायदि
बिनिनो हुखुम फालिथारनांगौ

बे खेबावथ' आरो आं मा बुंबावनो?
गावनि खर'आव गावनो
जोमैखौ रुजुननानै लाबाय बियो
लाइ मोननानै जोमैया गले गले फैग्रा जाबाय

आं दा देंखो रोजाबदों
मोनसे हादाननि लाय-लथरखौ गोसोखांनानै
थाद'आ बे देंखोआ
सारा दुनियाखौनो जै होनायनि लाहार-फाहार खालामनानै

जिरायगोन सानसे जोबोद गोजोनै
जिरायगोन सानसे जोबोद गोजोनै- आंनि मेथाइ