जाख्रिसे स्राय अखा हालांबाय Poem by Ronjoy Brahma

आंनि बेलकनि
सैमा बांग्राया फौ फौ सोंदोंमोन
मानिबा सोदोब खोनानानै
उनावसो बुजिदों बियो जामबाया

थिंआवसोदि अखाया हरखाबै गोग्लैफैबाय

जाख्रिसे स्राय अखा हालांबाय
दुंहाव बोथोर दुंहाव बार
सुदेम सुदेम सुदेम जालांबाय

सुदेम जालांबाय

सुदेम जादों बार गिसि बिलाइनिफ्राइ
बिरबोयै बिरबोयै बे समाव सुदेम जादों
बे हर बे खोमसि बे बुब्लि

सुदेम

सुदेम जादों आंनि गोरबो
सुदेम जादों आंनि सोलेर
मानोना जाख्रिसे स्राय अखा हालांबाय